maliyekkal takkees -2
അന്നു കോളേജ് ഹോസ്റ്റലിന്റെ മേല്നോട്ടം കോളേജിലെ തത്വ ചിന്തകനും മാന്യനും കാര്യങ്ങള് പറഞ്ഞാല് മനസ്സിലാകുന്ന പുള്ളിയുമായിരുന്ന ശ്രീമാന് തഫ്സല് അഥവാ കുട്ടികളുടെ സ്വന്തം തഫു ആയിരുന്നു ... ഹോസ്റ്റല് സെക്രട്ടറി ആയിരുന്നതു കൂട്ടത്തില് അലവലാതിത്തരം കുറച്ചു കുറവുള്ളവനായിരുന്നു... അവനെക്കൊണ്ടു തന്നെ കാര്യം ഇന്റ്രൊഡ്യൂസ് ചെയ്യിക്കാമെന്നു കരുതി .. അങ്ങു സാഹിത്യകാരന്മാരുടെ ഭാഷ അഥവാ സധാരണക്കാര്ക്കു മനസ്സിലാകാത്ത ഭാഷയില് പറഞ്ഞാല് ന്യായങ്ങള് ഇതായിരുന്നു .. 1. കോളേജിലെ ഫാവി എഞ്ചിനീയര്മര് ഇംഗ്ലീഷില് ഉള്ള സംസാരങ്ങള് നല്ല മണി മണി പോലെ പഠിക്കാനും വരാന് പോകുന്ന ഇന്റര്വ്യൂകളില് ഷൈന് ചെയ്യാനും ശനിയാഴ്ച പഠിത്തം നിര്ത്തിവച്ച് നല്ല അമേരിക്കന് ആക്സെന്റ് പടങ്ങള് കണാന് തയ്യറാണ്. 2. വെറും റ്റെക്നോക്രാറ്റുകള് ആയി മറാതെ മലയള സിനിമ നേരിടുന്ന പ്രധിസന്ധി ആഴത്തില് പഠിക്കാനും സിനിമ എന്ന കലയെ അടുത്തറിയുവാനും നല്ല നല്ല മലയാളം പടങ്ങള് അതായത് അടൂര്, ഏം ടി, പദ്മരാജന് മുതലായ പ്രതിഭകളുടെ കടവ്, വിധേയന്, പൊന്തന്മാട തുടങ്ങിയ നല്ല നല്ല ചിത്രങ്ങള് കണാനും ഞങ്ങള് തയ്യറാണ്.(മാക്സിമം പോയാല് ഷാജി കൈലാസന് അതിന്റെ അപ്പുറം പോകത്തില്ല.)(ഇതില് ഒന്നമത്തെ നിര്ദ്ദേശം വളരെ എഫ്ഫെക്റ്റീവ് ആയെനേ. പക്ഷെ നമ്മുടെ കോളേജിലെ കുട്ടികള് ആംഗലേയ ഭാഷയില് പിന്തള്ളപ്പെട്ടു പോകാന് ഉണ്ടായ പ്രധാന കാരണം ഇതായിരുന്നു .. അന്നെടുത്തു കണ്ട പല ഇംഗ്ലീഷ് പടങ്ങളിലും അധികം സംസാരമുണ്ടായിരുന്നില്ല !!! )നമ്മുടെ പയ്യന്മാര്ക്കു ഒരു കാര്യം ഉറപ്പായിരുന്നു. മലയാള സിനിമയെ പറ്റിയുള്ള പൊതുവിജ്ഞ്ഞാനം തഫുവിനു തീരെയില്ല അഥവാ തഫു വെറും ശിശുവാണ് ശിശു. അങ്ങേരെ ഫോണില് വിളിച്ചു. ആരുടേയും സ്റ്റയ്ല് കോപ്പി അടിക്കാതെ സ്വന്തം സ്റ്റെയിലില് തഫു. "എല്ലാം കൊള്ളാം എന്തു പിണ്ണാക്കു പടമൊക്കെയാണു നിങ്ങള് കാണാന് പോകുന്നത് ?" . അപ്പൊ വായില് വന്ന പടങ്ങളുടെ പേരെടുത്തു പയ്യന് തട്ടിവിട്ടു. എന്റെ ഓര്മ്മ ശരിയാണെങ്കില് അന്നു പറഞ്ഞ കൂട്ടത്തില് ആറാം തമ്പുരാന്, നരസിംഹം, വല്യേട്ടന് എന്നീ സിനിമകള് ഉണ്ടായിരുന്നു. അങ്ങനെ അങ്ങോരുടെ അനുഗ്രഹ ആശീര്വാദങ്ങല് വാങ്ങി മാളിയേക്കല് ടാക്കീസ് കൊട്ടും കുരവയുമായി ഉത്ഘാടിച്ചു.മിക്കവാറും അടിയിലെ ഏതെങ്കിലും ഫ്ലാറ്റിലായിരുന്നു പടങ്ങള് കളിച്ചിരുന്നത് . ദിവസവും കളികള് 8 മുതല് പത്തു വരെ ഉയര്ന്നു. പിള്ളേര് കാശു വാരിയെറിഞ്ഞു അങ്ങനെ മാളിയേക്കല് ടാക്കീസിന്റെ ഓഹരികള് വന് ഡിമാന്റിലേക്കുയര്ന്നു. പടം കാണുന്നതിന്റെയിടക്കുള്ള വിസിലടികള് കൂവിവിളികള് ആരാധക സംഘട്ടനങ്ങള്, അങ്ങനെ മാളിയെക്കല് ടാക്കീസ് ഈ ഭൂമിമലയാളത്തിലെ മറ്റേതൊരു C ക്ലാസ്സ് തിയേറ്ററിന്റേയും സ്റ്റാന്റേഡിലെക്കുയര്ന്നു.രാത്രി ഏറെ വൈകുമ്പോള് മാന്യന്മാര് മടകളിലേക്കു വലിയും .അപ്പോള് ടാക്കീസിലെ എക്കാലത്തേയും ഹിറ്റുകള് ആയിരുന്ന നിശബ്ദ ചിത്ത്രങ്ങളും ഷക്കീല വലിയമ്മയും രേഷ്മ അമ്മായിയുമൊക്കെ കൂടു പൊളിച്ചു പുറത്തിറങ്ങും. അതിനു പ്രത്യേക കളക്ഷന് . എന്തിനു പറയണൂ ലാഭത്തില് നിന്നും ലാഭത്തിലേക്കു തന്നെ ... ടക്കീസിനു പ്രതീക്ഷിച്ചതില് കൂടുതല് സ്വീകരണം കിട്ടിയതോടെ പ്രവര്ത്തകര് ഉഷാറായി.. ടാകീസ് ഇടക്കിടെ തുറക്കണമെന്നായി.. മാസങ്ങള് എന്ന ഗ്യാപ് ആഴ്ചകള് ആയി ചുരുങ്ങി... അധികാരികളെ സിമ്പിള് ആയി പറ്റിക്കാം.. "ഒഹ്ഹ് മ്പ്ടെ തഫു അല്ലേ" എന്നായി ചിലര് . എല്ലാ തവണയും അനുവാദം വാങ്ങാന് തഫുവിനെ വിളിക്കുന്നു. തഫു അനുവാദം തരുന്നു .. തഫുവിനെ പറ്റിച്ചേ എന്ന ഗമയില് അങ്ങനെ ഹോസ്റ്റല് സെക്രറ്ററി ചീറി നടക്കുന്നു... ടക്കീസ് പൊടി പൊടിച്ചോടുന്നു... പടം കാണുന്നു.. മനസ്സു നിരയെ സന്തോഷം പേര്സ് നിറയെ പണം .. മാളിയേക്കന്സ് ഫുള് ഹാപ്പി.. അങ്ങനെ ടാക്കീസ് വീണ്ടും വരുന്ന വെള്ളിയാഴ്ച തുറക്കാന് തീരുമാനിച്ചു. പതിവുപോലെ വീട്ടില് പോകാത്തവരുടെ കണക്കെടുപ്പിനു ശേഷം തഫുവിനെ പറ്റിക്കാനായി എല്ലാവരും സെക്രെട്ടറിയെ ചുമതല പെടുത്തി .. സെക്രെട്ടറി ഫൊണ് വിളിക്കുന്നു. എല്ലാം പതിവുപോലെ. "എന്തു പിണ്ണാക്കാടാ കാണാന് പോകുന്നത്" ... സെക്രെട്ടറി പേരുകള് പറയുന്നു... ഇപ്രാവശ്യം സഹി കെട്ട തഫു ചോദിച്ചു.. " മക്കളേ നിങ്ങള് ആറാം തമ്പുരാന് ആറുപ്രാവശ്യവും, നരസിംഹം മൊത്തം 7 പ്രാവശ്യവും വല്യേട്ടന് 5 പ്രാവശ്യവും കണ്ടു കഴിഞ്ഞു.. പേരുകേട്ടു ഏനിക്കും മടുത്തു .. ഇനി വേറെ എതെങ്കിലും പടം കണ്ടുകൂടെ ..?തഫു OK പറയുന്നതും കാതോര്ത്തിരുന്ന മൂപ്പര് ഞട്ടി..അളിയന് തഫുവിന്റെ മുന്പില് സാഷ്ടാംഗം പ്രണമിച്ചു .. ഗുരോ അങ്ങുതന്നെ പുലി.. പിടിച്ചോ ഒരു സല്യൂട്ട് . പിന്നെ ഒന്നും ആലോചിച്ചില്ല .. ടാക്കീസില് കളിച്ചതും കളിക്കാന് പോകുന്നതുമായ സകലമാന പടങ്ങളും അവയുടെ സെന്സര് ബോര്ഡ് സര്ട്ടിഫിക്കാറ്റും മൂപ്പരുടെ മുന്നില് അവതരിപ്പിച്ചു എത്രയും പെട്ടെന്നു സ്കൂട്ടായി....